Vor zboa djar hånne geloft

Vor zboa djar hånne geloft un gesüacht begela un staigela uminùm Lusérn drau zo maga loavan un machan schiar 30 km åna zo treta mearare vert attn gelàichege bege. Di sloaf mocht gian guat att vil loavar, si mochtze bèksln nidar un au, durch un her, nia gelàich, auzseng pèrng un gian in balt, pasàrn drinn dar Stòrdja vo Lusérn. Di sloaf tarft gevàlln un auzseng luste.

I gloabe zo haba gevuntet allz ditza in 27 km nåmp in lånt un drinn in lånt. Dar Lusérnar Zimbar Loaf Trail bart khemmen geloft an sunta 12 von herbestmånat – setémbre, speràrante azta vortgea palle ditza schaüla sachan boda hatt augehaltet allz ’z gevénna von gelóava un åndarst o.

Dar Lusérnar Zimbar Loaf Trail khint inngestéllt von G. S. Valsugana Trentino pittar Pro Loco – Vor ’z Lånt vo Lusérn. Gianante vürsnen bartaz machan bizzan eppaz mearar.