Soi nåm iz «Diamond dust»

An åndra naüge vo disarn khelte rift vo ünsarn nevan vodar Lessinia, dar fòldjo “L’Arena” vo Verona khütt ke, atz uleve von hochnach, izta vürkhent eppaz boda fin est nia iz gest vürkhent da nåmp üs un boda anvétze izta hèrta in di plèzt nåmp in Polo.

Soi nåm iz «Diamond dust», atz belesch «polvere di diamante» un ditza khint balda di nezz von air khint gevrort von an gåntzan khaltn bint un pittar sun dar air macht a khear un latt seng dise gåntz khlumman frügela ais boda umdrenen: ’z parìrt squàse ke snaibet ais pittar sun. Disar stråmbate fenomeno iz khent gesek un abegenump atti “Dolina di Malga Malera”, un azzar sait kurdjósat z’segaz makkar gian atti websait https://www.larena.it/territori/lessinia/in-lessinia-il-fenomeno-della-polvere-di-diamante-tipico-dei-poli-1.8428494 boda iz dar video.

Speràrbar azta disar djüst bintar bill munen ke ünsar bèlt steat a pizzle pezzar; biar intånto mang lai gian vürznen zo provàra nèt zo boschàizase un zo haltase mearar gearn.