Hattar gisek in gipeto Pierrò flattarn obar dar Zimbar Hoachebene?
Scritto da Red.azione il 1 Luglio 2021
Azta in di lestn bochan hattar gibarnt an naüng vogl in hümbl vodar Zimbar Hoachebene, magatz soin gest an gipeto: ’z iz ummandar von gröazarstn avvoltoi boda soin in Euròpa; a vich boda sbert 5-7 kile, mak lem 20-25 djar azzar iz frai atti pèrng un 45 djar azzar lebet pittn månn, iz lång mearar baz an mètro ma soine vèttrech soin bait schiar drai mètre un iz a vogl boda vrizzt vichar bodar vinnt sa toat.
Azparz bölln khön pezzar, daz meararste vrizztar di pummandar bodar vinnt schaugante ummar baldar flattart: di khlumman pummandarn djukhtarse nidar ingåntz un di groazan machtarse prèchan lazzantese valln abe von hümbl atti khnottn.
