Vor di groazan iz nèt gest lai a spil
Scritto da Red.azione il 4 Luglio 2022
Vor di groazan iz nèt gest lai a spil ma a verega gara un håmda gehaltet umbìa zo vånga ’z öale pellar baz åndre. Di öala soin khent augelekk untar inar maur odar lai attn bege, ma hèrta geradeàu, azza soin umgevallt odar umgekheart hattmase augeredart, ’z iz nèt gest dèstar vången ’z öala un drinn machanda stian di palånka, ma ’z soinda gest verege kampiü bodaz håm getrofft in earst stroach.
Vil vert håmsa gevånk ’z öale attna sait un håm vortgesklest di schèrpf, odar sa håmz gevånk malaméntar un di palånka iz nèt drinngestånt un asó ’z öale izzese vil schupàrt ke ’z berat nimmarméar gest guat z’èzza, balda iz vürkhent ditza hattma ågeheft vo naügom un ’z khinn patrù von öale hatten gehaltet alle di sòlde von gevelatn schüzz.
Asó izta vorgånt in kontentèza dar tages pitt tschelln, vraütn un nachparn alle pittnåndar.
