Scora ladina: Dis dla sanité por passa 140 mitans y mituns

Movimënt, sozialisaziun, sessualité, respiraziun y alimentaziun é stades n valgönes dles tematiches prinzipales di Dis dla Sanité organisá dal Referat por l’Educaziun ala sanité y mobilité en colaboraziun cun le Referat por l’Educaziun interculturala, Magdalena Lerchegger. L’ediziun 2021 é gnüda organisada tla scora mesana da La Ila. Indöt él gnü organisé trëi workshop desvalis por indöt passa 140 scolares y scolars. Por l’assessur por la scora ladina Daniel Alfreider é la formaziun di ciamps dla sanité de gran importanza por le svilup dles scolares y di scolars. Le fin di Dis dla sanité é por l’intendënta Edith Ploner dantadöt da ti dé inant ales mitans y ai mituns informaziuns importantes sön tematiches importantes sciöche le bëgnester fisich y psicich y che adora formes y tëmps de formaziun aposta.