Kurs vo taütsch online (in cimbro)
Scritto da Red.azione il 6 Luglio 2022
Dar Kulturinstitut Lusérn lekk au an kurs vo taütsch online zo maga machan alùmma da huam. Dar kurs hoazt “Deutsch Training Online” un iz gimacht von Goethe Institut: ma mage zornìrn fra vünf stèpflndar un, zo vorstìana belar ’z iz dar peste vor anìaglaz mentsch, makma machan an test online.
Ma bartn mang åhevan zo macha in kurs auz pan herbestmånat, zo rivanen bartma håm mångl schiar 75/80 urn; ma hatt zait drai månat. Balmen hatt verte mochtma inngem in Kulturinstitut in zertifikàt boda zoaget zo haba gemacht daz mindarste in 75 vor hundart von kurs; azmada nèt rift, bartma mochan gem bodrùmm ’z gèlt in Kulturinstitut.
Dar Kulturinstitut Lusérn bart ånemmen di dåmande schaugante å balsa soin khent inngètt. ’Z mangda machan domånda di laüt boda lem atz Lusérn un di lusérnar auz von lånt. Innzoschraibase mochtma auzvülln in formulàr boma vennt da untar vorda auz iz dar mòrgan von menta 1 von snitt.
