Mang zuargian in öffentleschen dianst in di Provìntz vo Tria, augelekk an App

Di hoazt “Mang zuargian in öffentleschen dianst in di Provìntz vo Tria” un iz a sperimentàl prodjèkt boda da autonome Provìntz vo Tria pittnåndar pittar sotziàl kooperatìf AbilNova un ’z natzionàl Åmt vor di Surdatn – Sektziong vo Tria gitt in laüt bodada nèt gehöarn. Dar prodjèkt, augehaltet pinn gèlt vodar vorsitzarung von Ministér Rat – Åmt vor di politike vor di laüt bohintart, hatt augelekk a virtuàl Schaltarle zo helva in laüt bodada nèt gehöarn, asó azza mang vorstian se o, übarsetzante in da belese zung von senje un schraibante untar bazta khint khött a votze.
An mitta atz 8 von prachant iztase gehaltet da press konferéntz zo zoaga disa initziatìf pittar asesören vor di gesunthait un di sotziàl politike, bohintarhait un famildja, Stefania Segnana, di vorsitzaren vo ENS Trento Brunella Grigolli un dar dirèktor vo Abil Nova – Fernando Ceccato un dar diridjént von Umse Bohintarhait un sotziàl-sanitét integratziong.