Vil libadar

Alle boazpar ke lirnen meararne zungen in khindarn tüatz gerècht: ma pensàrt ke sa bartnen khemmen guat vor soi zukunft; zo venna a guata arbat, zo giana ummar pa bèlt odar zo studjàra pezzar. Sichar alle dise sachandar soin bar. Ma da peste hilfe khint nèt mòrng ma est, in khopf von khindarn.

Vil libadar vo “neuroscienze” khön defàti ke, azma lirnt meararne zungen fin atti drai djar nützpar da rècht sait von hirn boda iz no bahémme; laise laise, pinn djardar, di zboa toaln von hirn hevan å zo reda pittnåndar un da tschenk sait khint sterchar, machante vorlìarn dar åndar bia ma tüat zo lirna di zungen.