Apsp de Fascia, avis per chierir personal e selezion – 1 dotor: documenc da enjontèr te la domana

I partezipanc cognarà ge enjontèr te ogne cajo a la domana, se no no se pel tor pèrt a la selezion:
1. fotocopia sun papier zenza bol de n document de identità valevol, col retrat;
2. curriculum formatif e profescionèl co la data e la sotscrizion, scrit ite desche l schem Europass.
 i candidac i pel ge fèr a saer a la comiscion fac, condizions, titoi e ogne autra notizia domanèda da la despojizions del avis de concors tras, en alternativa:
– autozertificazion (aldò del D. Lgs. 445/2000);
– enjonta di documenc de referiment o de na fotocopia di medemi, co la declarazion sotscrita che i é conformi al originèl (aldò del D. Lgs. 445/2000);
– prejentazion del originèl al personal del Ent enciarià, che l se cruziarà de se fèr na copia e l l atestarà che l é conforme al originèl; Dut chel che vegnarà declarà cognarà esser dit su delvers se no no vegn fata la valutazion.

Tel prozediment de selezion la comunicazions coi candidac dintornvìa la amiscion al ejam a ousc, l apuntament per l ejam a ousc e i ejic de la selezion, les vegnirà fates demò tras e-mail individualisèdes (p.e.c.). I candidac i cogn scriver, te la domana de partezipazion, sia direzion p.e.c..
L avis integrèl de enrescida e selezion, l modul per la domana, la copia del schem de contrat e autra informazions les cogn vegnir domanèdes al Ofize Aministratif de l’Azienda Publica de Fascia de Servijes per la Persona, al numer de telefon 0462.760240 endèna l orarie de ofize (da lunesc a vender da les 9.00 a les 12.00 e da les 14.30 a les 17.00) o desciarièdes da la plata internet www.apspfassa.it, te la sezion Albo on line. La direzion E-mail de l’A.P.S.P. de Fascia l é info@apspfassa.it.