Assunzion de personal – assistent aministratif tradutor: program de la proes de ejam

La graduatoria finèla de merit la vegnarà metuda adum (conscidran, cò fossa parità de merit, la preferenzes stabilides da la desposizions de lege), aldò de la valutazion che vegn ca da la proa scrita e da la proa a ousc che vegn do.
Cò l candidat no l tole pèrt a una de la doi proes de ejam l vegn lascià fora dal concors, coluna che sie la rejon de sia mencianza, ence se no la depen da la volontà del candidat.

La proa scrita sarà na traduzion de n document o de n at aministratif.
La proa a ousc la tolarà ite chisc argomenc:
1) elemenc de derit publich e aministratif, soraldut en referiment al ordenament e a la competenzes di Comuns e de la Comunitèdes te la Region Trentin – Sudtirol;
2) nozions en cont de la “Desposizions per prevegnir e se parèr da la coruzion e da la ilegalità te l’Aministrazion publica” (L. 06.11. 2012, n. 190);
3) desposizions de lege en cont del stravardament di dac personèi;
4) nozions en cont del endrez di ofizies publics, del raport de lurier di dependenc di enc publics locai, di deric e doeres di dependenc publics e de la desposizions de comportament sul lurier desche dependenc de enc publics;
5) legislazion che vèrda l stravardament e la valorisazion de la mendranzes linguistiches e competenzes di Comuns e de la Comunitèdes;
6) saer la carateristiches geografiches, sozioeconomiches e culturèles de Fascia e del raion ladin dolomitan;
7) saer durèr i aparac informatics e la aplicazions informatiches de maor doura.

Vegnarà passà a la proa scrita i candidac che ciaparà amancol 21/30 ponc.
Vegnarà ametù a la proa a ousc demò i candidac che à passà la proa scrita. Passarà la proa a ousc i candidac che ciaparà amancol 21/30 ponc.
Per vegnir metui ite te la graduatoria finèla de merit ge vel passèr ence la proa a ousc. L resultat finèl l vegnarà ca da la suma di ponc ciapé te la proa scrita e de chi ciapé te la proa a ousc.
Cò no se tol pèrt a una de la doi proes se vegn lascé fora da la selezion.

Duc i candidac che vel se prejentèr a la proes i cogn ge jir do a la desposizions de chest avis de selezion per chel che vèrda l’Emergenza sanitèra COVID 19 e a la desposizions che vegnarà dat fora più inant e tel moment che vegnarà metù a jir la proes, aldò del andament de la situazion de emergenza per l’epidemia da COVID-19.

Ai candidac ametui al concors ge vegnarà fat a saer la dì, l’ora e l lech olache vegnarà metù en esser la proa scrita, tras n avis aposta metù fora tel albo telematich on-line e sul sit internet del Comun general de Fascia, amancol
chinesc dis dant che vegne metù en esser la proa en costion.
Cò vegnissa manà fora na soula comunicazion en cont de la doi proes de ejam (scrita e a ousc), la comunicazion de la dì, de l’ora e del lech de la proes la vegnarà metuda fora amancol 20 dis dant da la proes.

La publicazions tel albo telematich on-line e sul sit internet del Comun General de Fascia che vèrda chesta selezion publica les vèl desche notificazion a duc i efec ai candidac, a chi che, donca, no ge vegnarà manà neguna
comunicazion personèla per posta en referiment a la proes e ai resultac di ejames.

La lingia di candidac ametui a chesta selezion publica la vegnarà publichèda dant che sibie fora en mèrtesc ai 3 de mé del 2022 sul albo telematich on-line e sul sit internet del Comun General de Fascia www.comungeneraldefascia.tn.it .

La publicazions tel albo telematich on-line e sul sit internet del Comun general de Fascia che vèrda chesta selezion publica les vèl desche notificazion a duc i efec ai candidac, a chi che, donca, no ge vegnarà manà neguna comunicazion personèla per posta en referiment a l’amiscion a la selezion publica e al ejit de la medema.