In disa lest zait saibaraz gevuntet pitt mearare kamöündar, von Trentino, von Veneto un taütsche o; übarhaup dòpo sovl djar habar bidar ågeheft zo arbata pitt Laim, Brånttal, Recoaro, Slege, Pedemonte, Garait, Vlarotz, Palai in Bernstal, Sant’Orsola, Novaledo, un pinn baireschen Kamöündar Neuhaus am Inn, Tiefenbach un Schärding. Dise pintom bartnaz zuargem vürzotraga naüge prodjèkte […]

Bar soin drå zuarzogeba di arbat zo macha in prodjèkt zo auzzorichta di khesarn von Kostedjì, zoa zo macha an bicigrill, nützante ’z gèlt bodaz sa iz gest khent zuargètt vor ditza sa vor ettlane djar un boda nia iz gest khent genützt, hoffante az saibe no genumma, haltante kunt ke in dise lestn zaitn […]

Di earstn månat vo haür habar ågeheft a pizzle gezoget pinn sprentz, ombrómm, laidar, hatta abegètt si sèlbart di arbat di puachhaltaren Arianna Guadagni, boda hatt gehatt gearbatet gåntz garècht in bilåntz Åmt. In dise månat habar gesüacht a naügez mentsch zo måga åstèlln ma bar håm niamat gevuntet. Vor daz sèll habar augelekk an […]

Bar håm gespèrrt ’z djar 2021 pitt vil mearar delibere vodar Djunta un von Kamòu Rat baz ’z djar pellar, ditza zoaget ke ’z izta khent gemacht a groaza arbat, saiz von kamòu vüarar, saiz von ågestèllte, auzoriva allz daz sèll boda iz gest hintargestånt zo tüana un auzolega naüge sachandarn. Darzuar habar ågenump in […]