Bar soin nå zo vorstìana ke z’soina sterchar

Bar håmda gelekk viartzekh djar z’ziaga di laüt atti pèrng pan bintar un zo tüanaz habar augelekk karosèlln vo geràita att alle di saitn. In an uantzega stadjóng izta gebèkslt vil; ia, bar mang nèt gloam ke pan bintar dar pèrge mage lem åna in geràita, ma bar soin nå zo vorstìana ke di laüt süachan åndarz o un vor ditza, disan bintar, atti ünsarn pèrng soinda gerift “naüge hearn”, “hearn” bodase nemparn in pèrge pitt ringe tritt.

Bar soin nå zo vorstìana ke z’soina sterchar, di birtschaft von pèrng, makze nèt åpintn lai in geràita umbrómm in tage boda ditza khemmat zo vela, dar pèrge stèrbat.

Disar bintar hattaz gelirnt an naüng bege, a bege boda redet vo natùr, kultùr, guatz geèzza un dèstre spòrt boda alle di laüt mang machan; süachpar lai nèt zo vorgèzza allz ditza in tage boda dar Covid 19 bart lai soin a baitez gedénkh.