Consulta culturela ladina: cumëmbra nueva
Scritto da Red.azione il 15 Marzo 2022
La Jonta provinziela à mudà ora na cumëmbra dla consulta culturela per la grupa linguistica ladina. Lara Moroder tol da śën inant ite l post de Sabine Piazza.
Tl 2019 ova la Jonta provinziela numinà i cumëmbri y la cumëmbres dla consulta culturela ladina per l tëmp dla legislatura. Śën an messù mudé ora na cumëmbra. La Jonta provinziela à ncuei (15 de merz) dat si cunsëns n chësc cont. Mpede la storicra Sabine Piazza de Urtijëi sarà da śën inant la nsenianta y esperta de cultura Adelheid Lara Moroder de Urtijëi cumëmbra de chësc organ consultif.
La consulta culturela ladina cunsieia la Jonta provinziela n cont dla politica culturela y sun i cuntribuc dla provinzia per l’ert y la cultura dla grupa linguistica ladina sota si presidënt, l assessëur per la furmazion y cultura ladina Daniel Alfreider. Chësc organ consultif ie udù dant dala lege provinziela per l’ativiteies cultureles nr. 9/2015 per la ndividuazion dla vijions de politica culturela de uni una dla trëi grupes linguistiches te Südtirol.
