Strotöra de ressanamënt do na smöia

Dala pert orografica a man ciampa dl Rü de Ciamplorët él implü gnü fat sö mürs de proteziun de lëgn por mët en sigurté chël toch de parëi danajé da na smöia. Implü él ince gnü istalé tl parëi na strotöra aposta de lëgn y implida de tera por ti dé plü stabilité ala costruziun de proteziun. L’obietif dl intervënt é da archité sö la smöia por evité danns ala strada comunala che porta a Plans. I laurs sot ala direziun de Heinz Baumgartner é gnüs stlüc jö d’isté. Al é gnü investí te chësc proiet lauré fora da Caterina Ghiraldo indöt 120.000 euro.