Dar earst aroplå / 2
Scritto da Red.azione il 22 Luglio 2022
Dar motór vo disan earst aroplå iz gest vo 16 ross un da earst bòtta bodar hatt geflattart, izzarse geheft vodar earde vo 40 mètre un vor 12 secondi. Azpar pensàrn bazta mage tüan est an aroplå, iz bintsche, ma vor di sèlln zaitn iz sichar gest sa eppaz guatz. In di djardar boda soin nåkhent soinda khent gemacht hèrta pezzarne aroplé, boda håm gemak flattarn höachar un vor lengarna zait o.
Laidar peró, disa naüga inventzióng, boda hatt parìrt tüan lai guatz, in earst bèltkriage, iz khent genützt zo töata an hauf laüt in di bombardamenti (in zboate bèltkriage addirittura vil mearar).
Von zbuantzegar djar vort, soinda khent gemacht di earstn aroplé vor di laüt zo viazàra, boda pinn djardar soin khent hèrta pezzar un sichrar, fin zo riva aft di aroplé bobar khennen un seng haüt.
Pitt ditza speràre azta epparùmmaz habe darvért eppaz naügez un azpar mang palle bidar åhevan zo viazàra, ombrómm ditza böllat munen, ke disa situatzióng, boda hatt gemacht stian letz vil laüt, iz finalmente verte.
