A mentsch pittnar
Scritto da Red.azione il 15 Luglio 2022
Di laüt håm alle z’èzza un zo darbèmase ma azza hettatn vortzogiana bahémme?
Alle håm gesüacht zo vüara pazaitn di aute in platz umbrómm vo sèmm beratz gest destrar partìrn az hettat servìrt. Aròmai soinda lai staigela ummar pa lånt un di laüt mochanse drukhan inn pa maurn snea zoa auzzonemmase, anìagladar schauvlt an tòkko un fra alle khinta offegetånt ’z begele.
A mentsch pittnar långa kafèdata tònega khint vür schupfante a khlummana turbina boda plast vort bait in snea, ma darkhénnten lai, ’z iz dar Padre Paolo pitt soin “Stiar”, er macht abe daz gåntz lånt un helft alln in laüt: “steat luste liabe tschelln, est saibar in pon von bintar ma dar långez kheart hèrta bidrùmm, haltet hoach di hèrtzar!”
