Djukhan in di öala
Scritto da Red.azione il 4 Luglio 2022
In tage von Oastarmenta hattma hèrta augelekk di öala, ummaz odar meararne o, zoa drinn zo macha djukhan di palånke in eltarn laüt. Anìagladar gevelatar schuzz hatt varlért an sòldo vor ’z khinn boda hatt augelekk ’z öale.
Balda ’z mentsch hatt gevånk ’z öale un di palånka iz drinngestånt, hattzen gehaltet ’z öale un hattzen gemak èzzan o. Di måmme håm ågeheft tang pellar zo boróata di öala un håmar hèrta gesotet meararne, sa håmse inngemacht in di löapar von tschovölln un augemischt pinn vrischan gresar von långez zoa azza vången schümmane varm.
Di khindar håm nèt gesek di ur az khemm menta un di groazan soinda gestånt gearn zo spila.
