’Z soinda zboa tratördar
Scritto da Red.azione il 15 Luglio 2022
’Z iz sa ettlane tang bo ’z snaibet un bill pròpio nèt auhöarn. Di laüt boda mang soin alle vorå soinar tür zo schauvla, ma ’z darkhlékten bintsche. Dar snea khint abe asó starch ke ma seta nèt auz un izta neméar platz auzohaüvarnen.
’Z soinda zboa tratördar boda süachan zo schupfa un zo stumpfa atti saitn ma sa dartüanz nèt auzzoroima di beng, sa mochan sèmmlazzan, dar snea haltet allz au, est iz allz augedekht baiz.
Dar stradù iz o voll un njånka di groazan slitü vodar provìntz gerivanda zo putza. Offezotüana di groazan beng håmsa untargelekk di ruspe un di skavatör ma vor seåndre o iz starch sber. Atti tèchar di antenne soin gedekht, un di khemmechar tempfan auz pa löchar drinn zboa métre snea, est mochtma åhevan abezoschauvla.
