La Provinzia de Balsan chir jornalistes y jornalisć

L’Aministraziun provinziala chir cater jornalises y jornalisć por l’Ofize Stampa al intern dl’Ajentöra por la Stampa y la Comunicaziun y á scrit fora na bandida de concurs por contrac a tëmp determiné tla sënta a Balsan. L’assunziun sará a tëmp determiné por la dorada dla legislatöra cina al novatejimo de dal insediamënt dla Junta provinziala nöia. Al se trata de n post por la cualifica “Jornalista dl’aministraziun publica / jornalista dl’ aministraziun publica” y de n post por la cualifca “Jornalista dl’aministraziun publica – jornalista dl’aminstraziun publica espert/a”. Al pó tó pert al concurs – aladô dla bandida de concurs por le post da jornalista o da jornalista espert/a – jornalisć scric ite al’Albo nazional cun n diploma dla scora alta, de na laurea trienala o de n titul universitar de almanco cater agn. Al vëgn damané le atestat de bilinguism B2 (ex B) o C1 (ex A) y che corespogn ales conescënzes linguistiches damanades por les funziuns al intern dl’aministraziun publica.