Le termin por fá les domandes toma ai 16 de novëmber dl 2021

Por la retüda di cosć él preodü indöt na soma complessiva de 6 miliuns de euro. La domanda por la retüda di cosć dla cumpra de produc de hard- y software cun düc i documënc nezesciars mëss gní dada jö cina ai 16 de novëmber fajon domanda sön la plataforma metüda a desposiziun dales trëi Direziuns scolastiches. Al pó gní fat domanda por la cumpra por ejëmpl de computer, notebooks, tablets, smartphone, monitors, stampantes y scanners y software standard. Les spëises mëss sambëgn gní documentades. Al podará gní paié fora cina 520 euro sön la basa dla spëisa complessiva. Spo gnarál ejaminé les domandes y do n arat positif paié fora tres le davagn dl personal dles scolines y scores la soma aprovada. Al gnará fat controi.