Di sachandar boma
Scritto da Red.azione il 21 Luglio 2022
Di khlumman khindar håm gèzzt in brobrosà gimacht pitt smaltz, boatzamel, bazzar un saltz.
I gedenkhmar moi nona boda hatt hèrta khött: oh…balde pin gest khlumma, azze hettat gihatt a naréntzle! Inar bòtta da in lånt soinda lai gest froumen un khèrsan.
Ma hatt augilest gegrès: khèrndla, radìkkng, hummargekraüt.
Di sachandar boma hatt genützt zo khocha soin gest biane, ma ’z geèzza iz gest gesüntar. Di vichar soin khent augezüglt pitt daz sèll boma hatt gihatt in haus odar in gart. Di khüa håm gèzzt lai gras un höbe. In ta’ vo haüt atz gegrés sprützansa alladarsòrt, in vichar boaztma nèt bazzen gem z’èzza!
Ma nützt ploaza zait zo khocha pitt daz sèll bodaz gitt di earde, ma an lestn iz allz pezzar!
