Pan bintar, pinn khindarn
Scritto da Red.azione il 8 Giugno 2021
Disar bintar iz gest a bintar vo snea, odar pezzar khött “’z iz a bintar vo snea” umbrómm, ånka az hatt ågeheft a pizzle zo eapra, da, ünsarne altn håm hèrta khött: “’z iz dar martzo boda vazzt di pèrng” un biar, soin lai in fevràro. ’Z iz a bintar vo snea, a bintar von khindarn; alle gedenkhpar balbar soin gest khlumma un hatt gesnibet. Alle gedenkhpar di bintadar vo dise djar: dar hoach snea, di lången aiszökkl boda soin abekhent von tèchar, un di baizan beng boda di khindar håm genützt zo raita, schaugante böll au nèt zo machase seng: “pinn slit machtar ’z ais, un dena di altn laüt slipfan un tüanen bea” håmsa hèrta khött di baibar, ma an lestn håmsa gelatt tüan, furse gedenkhante sèlbart bia ’z iz gest schümma raitn.
