Reghister provinziel dl’artistes y di artisć: apruvei i criters
Scritto da Red.azione il 30 Agosto 2022
Davia che la categoria prufesciunela dl’artistes y di artisć freelance ne ie nia scuneda assé per cie che reverda la pension, iel de bujën de n cuntribut de previdënza cumplementer per artistes y artisć tl Südtirol. La cundizion per pudëi dé chësc cuntribut ie avëi n reghister provinziel de duc i artisć y duta l’artistes dl Südtirol. Tl reghister saral laite duc chëi y duta chëles che toca pra la categoria prufesciunela dl’artistes y di artisć. Ntan si senteda da ncuei (30 de agost) à la Jonta provinziela dat pro i criters per la gestion y l funziunamënt de chësc reghister provinziel. La Provinzia uel ti judé al’artistes y ai artisć freelance scric ite tl reghister provinziel cun n cuntribut de previdënza cumplementera de 500 Euro al ann.
