Di toatn von alt vraithof
Scritto da Red.azione il 13 Luglio 2022
Ditza macht nèt lai aukhemmen di hennehaut ma ’z iz eppaz boda magat soin perikolósat o. Defàtti, azta dar laip von toatn steat ingåntz, billtz munen ke, azta a mentsch iz gestorbet peng an virus, makz auzvalln ke dar virus o steat lente attn laip von mentsch. Un ditza iz eppaz boda iz vürkhent.
’Z djar 1998 dar dokhtur Kirsty Duncan iz gånt pitt åndre kolège in disa redjóng zo studjàra in laip vonan mentsch boda iz gest gestorbet in di statt balda izta gest di Spagnola. Di dökhtür håm gesek ke attn laip von mentsch izta no gest lente dar virus vodar Spagnola vo balda ’z mentsch iz gest gestorbet. Un asó håmsa vorstånt ke, azta dar permafrost berat zorgånt, di laüt boda lem in disa redjóng hettatn no gemak vången in virus.
Un asó izta khent auzgemacht ke di laüt håm neméar gemak stèrm un khemmen bogràbet in disa statt, un balda epparùmmaz haüt steat letz khintz lai gevüart attna ’n åndra sait.
Di toatn von alt vraithof soin khent alle augenump un vorprénnt un est, boda iz gest dar vraithof, soinda lai di kraützar zo gedenkha di laüt.
