VinKo

Bar bizzanz, khånen meararne zungen iz bichte: ’z helft ünsarn hirn zo arbata pezzar un bahémmegar, ’z helftaz atti arbat, ’z helftaz zo machanaz vorstìan redante pitt laüt boda nèt khånen da ünsar zung un helftaz vor vil vil åndarz o. Allz ditza khint vür nèt lai azpar khånen a zung boda nützan vil laüt ma azpar ren an dialèkht odar a mindarhaitzung o; pròpio dise zungen khemmen untarsucht von universitètn vo Bèrn, Tria un Poatzan pittnan prodjèkht boda hoazt VinKo – Varietà in contatto.

Dar prodjèkht iz gibortet ’z djar 2014, iz toal von groaz prodjèkht europèo AThEME un süacht zo vorstìana bia di zungen pintnse fra se, bia sa bèksln balda meararne zungen khemmen geredet in gelàich platz un o bazta mage bèksln un baz nèt vonar zung.